මදපවනත කීවත් සුරැකිව ඔබ සිටින බව
මගෙ හදවත පිලිගන්නෑ ඔබ දකින තුරු
තුරුපත් හිස කීවත් තතු සවනට නිතර
මට ඉවසුම් නොතිබේ ඔබ දකින තුරු
සැකයක් නෑ කිසිවිට ඔබ අන්සතුයි කියා
ඔබ මගෙ බව පවසයි හිරු සදු දිවුරා
මියෙන තුරා ඉන්නම් ඔබ ළඟ ඉදුරා
රත්තරනේ මට පිටුපා ඔබ යන්න එපා
දින සති මාස ගෙවුනත් ඔබ දෙස නොබලා
වෙනසක් නොවෙ මගෙ ආදරේ දකින තුරා
හැකිවෙන මොහොතෙ මගෙ අසලට එනු පියඹා
එතකම් සොඳුර දිවි සුරැකිව ඉනු නිතරා
~ තිලිනි වික්‍රමසිංහ ~
රෑ බෝ වෙමින් එන විට
තොටුපොළක් සොයමින්
ඉබාගාතේ ඇවිදින
අතීතයෙ එක් දවසක
ඉස්සො වඩයක් හප හප
ගාලු මුවදොර අබියස
ඈත ක්ෂිතිජයෙ තිත් ලෙස
පාව යන නෞකා දෙස
බලා සිටි'යුරු ඔබ මම
දනිමි ඔබ දන්නැති බව
තාරකාවක එළියෙන්
අතීතය දෙස බල බල
ක්ෂිතිජයේ නැව් දැක අද
බොහෝ දේ සිහිකරන බව මම
නැගී සැඩ සුළි එක පිට
කුණාටුවකට හසු වී
මාලිමා කටු බිඳගෙන
ඇතිද මේ වගෙ නැව් තව?
මතක සිඳු රැළි අතර තනිවුණ
෴ තිලිණි වික්‍රමසිංහ ෴
මම ගැහැණු ළමයෙක්නෙ.ශ්‍රී ලාංකික සංකෘතිය ඇතුළෙ ගැහුණු ළමයෙකුට හිමිවෙන්නෙ සුවිශේෂී ස්ථානයක්.මොකද කියනව නම් සමාජය හිතනවා ගැහැණු දරුවෙකුට තනියම ...
