ඔයා යලි එනවද?

තිබේ නෞකා දැන් දැන්

රෑ බෝ වෙමින් එන විට

හිස තියා සැනසෙන්නට

තොටුපොළක් සොයමින්

ඉබාගාතේ ඇවිදින

අතීතයෙ එක් දවසක

ඉස්සො වඩයක් හප හප

ගාලු මුවදොර අබියස

ඈත ක්ෂිතිජයෙ තිත් ලෙස

පාව යන නෞකා දෙස

බලා සිටි'යුරු ඔබ මම

දනිමි ඔබ දන්නැති බව

තාරකාවක එළියෙන් 

අතීතය දෙස බල බල

ක්ෂිතිජයේ නැව් දැක අද

බොහෝ දේ සිහිකරන බව මම 

නැගී සැඩ සුළි එක පිට

කුණාටුවකට හසු වී

මාලිමා කටු බිඳගෙන

ඇතිද මේ වගෙ නැව් තව?

මතක සිඳු රැළි අතර තනිවුණ 

෴  තිලිණි වික්‍රමසිංහ ෴